Como gradicimento na prensa local riba nan dia, Aruba Marriott Resort & Casino a host miembronan di prensa local cu un 5-course dinner experience & wine pairing event.
Palm Beach: Diabierna ultimo prensa di Aruba a cera conoci y experiencia un 5-course dinner prepara pa e Complex Executive Chef di Aruba Marriott Resort, Chef Andrés E. Dávila. Un Around the World Chef’s table experience. E evento special aki a tuma lugar den La Vista Restaurant.
Na yegada e miembronan di prensa a wordo calurosamente ricibi pa e executive staff di Mariott. E invitadonan a ricibi un welcome drink unico cu tabata contene juice di Tamarijn.
Despues a inicia e experiencia unico “An round the world Chef’s Table”, riba e mesa cada miembro di prensa a ricibi un passport cu ta splica cada cuminda y cu e biña cu lo wordo sirbi. E dinner experience a cuminsa cu un macuto di pannan special cu ta procedente di Italia, Alemania y Armenia. E pannan a wordo sirbi cu Romesco, infused butter y stracciatella. E biña cu a wordo sirbi ta pas cu e sabor di e pannan aki.
E General Manager di Marriot tabata presente y despues di a yama e miembronan di prensa bon bini, a introduci e chef Andrés E. Dávila, cu ta procedente di Ecuador.
Chef Dávila cada biaha cu un cuminda wordo sirbi tabata splica e origen di e cuminda y tambe di e ingredientenan unico y hopi special cu e cuminda tabata contene.
E biñanan special cu tabata wordo sirbi cu cada course, a haci tur e 5 course nan aki unico. “An round the world Chef’s Table” sigur di nos parti e tabata un experiencia hopi unico y sigur nos di arubanative ta gradici Aruba Marriott Resort pa e dinning experience aki.M
E staff & personal di Aruba Marriott tabata hopi amabel y atento, e 5 course dinner cu su sabornan unico, e biñanan tremendo, cu tabata pas cu cada course y sin lubida e musica, un dama Dj, cu su musica sigur tabata e toke pa e ambiente y e dinning experience por tabata completo.
