Home Police Un fayo a pone cu autoridad a detene grupo di persona na...

Un fayo a pone cu autoridad a detene grupo di persona na airport, tur a wordo laga den libertad

SHARE
Queen Beatrix International Airport – Diahuebs den careda di 6:45 p.m transportwagen nan di polis a yega para dilanti Airport, indicando cu tin hende a wordo deteni.

Despues di algun rato polisnan a sali cu 3 persona y nan a wordo hinca den transportwagen direccion warda, no ta conoci si a bay eybanda mes cu ta unda oficinannan di recherche ta.

E di dos transportwagen a keda y basta rato despues a sali cu un grupo di 7 persona, nan tawata den boei.

Locual tawata peculiar ta polisnan a hinca tur 7 persona den e transportwagen, cu ekipahe y tur algo cu ta masha poco bo ta mira.
Di eynan cu un transportwagen full gesak patras e vehiculo a bay warda di polis na Macuarima, unda cu a drenta patras y baha e grupo.

Nos a bay averigua kiko exactamente a sosode. Na prome instante unico cos cu Vocero por a bisa nos ta cu ta trata di droga.

Locual nos a haya straño tawata cu si ta trata di un grupo di mula, polis nunca lo a ponenan tur hunto.
A bin resulta cu posibel informacionnan eroneo a conduci na detencion di un grupo di persona cu tawata bayendo Hulanda.

Segun informacion no oficial, debi cu un of mas persona lo tawata “algo” den forma di polvo a pensa of kere un cos pa otro.

Tur hende algo pasa di 9’or di anochi a wordo treci bek airport den e mesun manera cu nan a bay warda, esta den e transportwagen.

Esnan encarga lo mester a cover e biaha cu nan a perde.