ORANJESTAD: Diaranson merdia na den un esfera ameno y positivo na JFK Education Center a tuma luga firmamento di contract nobo pa intructornan di landamento. Presente na e ocasion special aki tabata Parlamentario, sra. Shailiny Tromp – Lee y sr. Hendrik Treveden, directora di Departamento di Enseñansa sra. Anne Marie Proveyer – Groot y ekipo di DEA como tambe sra. Josephine Albertus di Sindicato SIMAR. E proyecto di landamento escolar inicia 17 di januari di aña 1993. E aña aki tin 34 scol basico y 2 scol special ta haya les di landamento. Aña escolar 2021- 2022 un total di 655 alumno di 3 klas a gradua y a ricibi nan diploma A y 129 alumno a ricibi diploma B. Un total di 784 alumno a ricibi nan diploma. Pa mas di binti aña e instructornan di landamento tabatin contract pa periodo di 1 aña. Minister Endy Croes a inidica cu su prome reunion ora e la asumi e cartera di enseñansa y deporte tabata cu Sindicato SIMAR. Unda cu SIMAR a expresa cu un di nan prioridadnan tabata pa cambia e contracto di e instructonan di landamento pa uno mas faborabel. Minister Endy Croes a traha riba esaki y awe e la wordo concretisa. E 19 instructonan di landamento a firma nan contract nobo di un periodo di 5 aña cu ta facilita e proceso unda cu un por bay un banco y haci prestamo. Minister Endy Croes ta gradici Directie Onderwijs, Departamento di Recurso Humano y DPS pa nan cooperacion y colaboracion pa por a logra realisa e contracto aki. Por ultimo e mandatario ta felicita e instructornan cu awe a firma nan contract nobo. Alabes ta gradicinan pe bunita trabou cu nan ta eherece.
