Iglesianan Cristian di Aruba ta habri luna di september cu un cadena di oracion di 24 ora pa Matrimonio y Famia. E cadena di oracion ta cuminsa dia 1 di september pa tres or di atardi y ta termina 24 ora despues. Cada Iglesia local ta wordo pidi pa cubri un ora di oracion pa Dios interveni den pueblo di Aruba pa asina nos recobra un sentido di balor pa matrimonio y famia.
Pueblo ta consciente cu tin un proposicion di ley pa trata den Parlamento cu ta redefini matrimonio. Pero Aruba a cumpli cu e rekesitonan di Corte Europeo pa Derecho Humano. Matrimonio no ta derecho humano pa parehanan di mesun sexo. Aruba a cumpli caba door di ofrece algun derecho den forma di union civil conforme Corte Europeo pa Derecho Humano. No ta existi ningun argumento sano pakico Parlemento di Aruba mester cambia ley di matrimonio. Mayoria di pueblo di Aruba tin respet pa Dios y mayoria di pueblo di Aruba ta na fabor di matrimonio entre un homber y un muhe.
ICA ta invita pueblo Cristian di Aruba pa dedica no solamente prome dia di september, pero henter e luna na oracion, pa matrimonio y famia conforme Dios su boluntad prevalece na Aruba.
Iglesianan Cristian di Aruba