Home » Recientemente Srta. Marilynn Hermans a presenta su tesis titula ‘The Court of Audit of Aruba and its commitment to Integrity -An example of Integrity Management’

Recientemente Srta. Marilynn Hermans a presenta su tesis titula ‘The Court of Audit of Aruba and its commitment to Integrity -An example of Integrity Management’

by Admin
0 comment 84 views

Recientemente Srta. Marilynn Hermans a presenta su tesis titula ‘The Court of Audit of Aruba and its commitment to Integrity -An example of Integrity Management’ na Voorzitter di College di Algemene Rekenkamer, Sra. drs. Xiomara Croes-Williams. 

 

ORANJESTAD – Marilynn ta studiante di Organisation, Government and Management (OGM) di Universidad di Aruba y den cuadro pa finalisa su studio, a prepara su tesis cu ta basa ariba con Algemene Rekenkamer ta promove y proteha integridad den su institucion. Den e investigacion aki a schohe Algemene Rekenkamer como e punto di salida, door cu Algemene Rekenkamer ya a introduci un Plan di maneho di Integridad y Codigo di Conducta. E pregunta di e investigacion ta, con Algemene Rekenkamer ta proteha y promove e maneho di Integridad den su organisacion. Otro punto cardinal den e tesis ta pa evalua si e institucion di Algemene Rekenkamer por fungi como un ehempel den e maneho di integridad y etica pa henter e sector gubernamental. 

Pa e motibo aki a tuma contacto cu stakeholders interno y tambe externo. Un resultado hopi importante ta e impacto di Lead by example, door di un incidente cu a tuma lugar. Pa e motibo ey a aplica e Plan di Maneho di Integridad y e Codigo di Conducta stipula den practica tambe. Un resultado cu a resalta ta cu mayoria di e stakeholders externo, ta na altura di existencia di e Plan di Maneho di Integridad como tambe e Codigo di Conducta, pero solamente un persona a lesa e documentonan aki completo.

Algemene Rekenkamer tin su Plan di Maneho riba Integridad, Integriteitsbeleid, como tambe su Codigo di Conducta, Gedragscode, vigente desde aña 2020 pa tanto su miembronan di College como tambe pa su personal. Algemene Rekenkamer ta gradici Srta. Marilynn pa su tesis y alabes ta dese’e hopi exito cu su futuro estudio na Hulanda.

 

   

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio