Home Politics Minister Dangui Oduber – A BISHITA E OFICINA DI TURISMO...

Minister Dangui Oduber – A BISHITA E OFICINA DI TURISMO NA SAN NICOLAS – SAN NICOLAS VISITOR INFORMATION CENTER

SHARE

 

 

SAN NICOLAS – Recientemente Minister di Turismo sr. Dangui Oduber a haci un bishita na San Nicolas Visitor Information Center (VIC) cu ya caba tin algun aña bek den operacion. E mandatario ta recorda cu na aña 2017 ora cu a drenta den Gobierno e VIC tabata cera.  Parti di e masterplan integral di San Nicolas tabata encera pa haci e inversionnan necesario pa haci e VIC bek operacional. Desde e tempo ey a inverti den e infrastructura y tambe den e innovacion y tecnologia pa asina por tin un VIC hopi moderno. 

Despues di tur inversion haci e oficina di turismo na San Nicolas a logra habri su portanan bek na april di aña 2019. Minister Oduber ta contento cu awe por bisa cu e vision pa habri e oficina bek a resulta di ta un exito pa pariba di brug. Pa dia e VIC ta haya entre 50 pa 75 bishitante, pa luna esaki ta mas di 1500 bishitante y e cifra aki ta sigui aumenta. 

E oficina ta fungi como e curason y centro di informacion pa turistanan na San Nicolas unda nos bishitantenan por difruta di “walking tours” di e murayanan di arte y tambe por siña mas di nos dushi isla riba e television nan interactivo. Minister Oduber ta kere firmemente cu si bo añadi e instrumentonan corecto, un resultado existoso so ta di spera. Esaki ta e caso cu e VIC unda cu asta riba websitenan renombra turistanan ta laganan bon comentario di nan experiencia na San Nicolas. 

Danki na e vision di Minister Dangui Oduber pa cu e proyecto aki awe por wak mas movecion den San Nicolas. E mandatario lo sigui monitor e oficina aki di serca pa asina por sigui innova pa asina sigui contribui postivamente na economia di pariba di brug.

Riba e potretnan por aprecia turistanan cu tawata di bishita na VIC y a keda contento cu e oportunidad di por a topa y combersa cu e Minister di Turismo di Aruba. 

Turismo ta nos forsa y driver principal