Home » FUNDACION PARKE NACIONAL ARUBA TA COMPLETA COMPRA DI UN DI ARUBA SU JOYANAN DI MAS BIEW, “FONTEIN” 

FUNDACION PARKE NACIONAL ARUBA TA COMPLETA COMPRA DI UN DI ARUBA SU JOYANAN DI MAS BIEW, “FONTEIN” 

by Admin
0 comment 158 views

 

  

Despues di mas cu 180 aña, e area unico aki cu imenso balor natural y cultural lo forma parti di maneho den Parke Nacional Arikok. 

ORANJESTAD, ARUBA, 29 AUGUSTUS 2022 – Fundacion Parke Nacional Aruba (FPNA) como un fundacion independiente encarga cu e conservacion y maneho di areanan terestial y marino proteha na Aruba, ta anuncia cu nan a keda cla cu e compra di “Fontein”, un di e unico areanan na Aruba cu un fuente permanente di awa dushi, haciendo esaki un area importante pa conserva. E compra a keda cla  Diabierna, 26 di augustus 2022.  

Awo cu “Fontein” ta forma parti di FPNA su areanan protehi, conservacion di diversidad natural den e  area lo ta e tarea principal pa FPNA pa asina acomoda experiencianan sostenibel den Parke Nacional Arikok pa bishitantenan local y internacional keda conecta y comprometi cu naturalesa. 

“Fontein” ta situa pazuid di e cueba di Fontein, un area cu importancia geologico y arkeologico y tambe un di e cueba nan di mas conoci pa nos bishitantenan den Parke Nacional Arikok. Hofi Fontein a wordo transferi como propiedat priva pa comandante Gravenhorst y su famia rond di aña 1838, y despues e propiedat a wordo pasa pa varios diferente doño. E temponan aya, e fuente permanente di awa fresco a hasie posibel pa berdura y fruta fresco crece. Awendia, acumulacion di awa fresco por wordo mira patras di e cas cu ta un patrimonio nacional. 

“Ta un placer y privilegio pa oficialmente tin “Fontein”, un orguyo di Aruba cu imenso balor historico y  cultural, forma parti di e areanan protehi den Parke Nacional Arikok”, Norman Kuiperi, CEO Interino di FPNA ta comenta.  

Norman Kuiperi ta enfatisa “E team di FPNA a traha duro pa añanan largo pa reserve e fondonan necesario pa asina logra cumpra “Fontein”, y despues di un decada ta spaar y segura e fondonan  corecto, awe nos ta orguyoso di por bisa cu “Fontein” un biaha mas ta den man di comunidad di Aruba despues di mas di 180 aña. E compra stategico di “Fontein” ta forma parti di FPNA su transicion di un organisacion di maneho di un parke, pa un organisacion di maneho di conservacion cu e compromiso di persevera, proteha y mantene un sistema ecologico cu ta diverso, saludabel y resiliente pa Aruba. Cu

anticipacion nos ta spera di por restaura e sitio aki cu hopi balor natural y historico pa nos bishitantenan por experiencia den e proximo añanan.” 

FPNA como un fundacion independiente actualmente ta encarga cu protecion di aproximadamente 24%  di Aruba su tereno natural y lo sigi buska oportunidat pa adkiri otro terenonan priva cu awe ta situa den areanan proteha pa asina por optimalisa y fortalece conservacion abase di systema ecologico y  biodivesidad.  

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio