Rotonde Superfood – Diadomingo marduga den careda di 5’or polis a bay cu urgencia rotonde di Superfood, pa un auto cu a dal contra e rotonde.
Na yegada polis mesora a pidi pa un ambulance cu urgencia debi cu e chauffeur no tawata reacciona.
Algun minuut eynan, e chauffeur un dama hoben Hulandes a bin bij.
E motibo cu polis a pidi ambulance cu maximo urgencia ta debi cu no mucho siman atras ariba rotonde di Ling & Sons un persona a perde su bida, den mesun tipo di accidente manera esaki.
Enberdad e auto a sufri daño dilanti, pero un mal golpi door di e impacto por costa bo bida.
Na yegada di Paramediconan cu tawata cerca a tuma e dama hoben over y na e sitio a cuminsa cu nan check up.
Mientras a cera e caminda for di ex House of Cheng pa departamento di trafico por haci nan trabou mas trankil y mirando cu takelwagen mester a bin pa bay cu e auto tambe.
Na e sitio nos a compronde cu e auto un Hyundai Sonata lo ta pertenece na un compania.
E dama Hulandes a wordo hiba Hospitaal pa un controle.
