Sabana Berde: Diadomingo algo despues di mey anochi, polis a logra para un Mitsubishi Lancer shinishi un poco pabou di rotonde di Airport. E chauffeur tabata bou influencia y despues di a haci un alcohol test cu ne a resulta cu e la bebe mas cu ta wordo permiti pa core auto.
E chauffeur mesora a wordo deteni y cu transport di CEA a wordo hiba warda di polis.
Durante cu polis tabata patruyando na altura di rotonde Las Americas a bin topa cu e Mitsubishi Lancer shinishi coriendo basta malo riba e caminda di Camacuri pa direccion di Airport. E auto tabata coriendo zig zag, mesora polis a bay su tras, na prome instante e chauffeur no kier a para pero un poco mas pariba yegando e rotonde di airport e chauffeur a sigui ordo di polis y a para.
Henter e weekend aki tabata tin preventief fouilleren y pa e motibo aki tabata tin masha hopi unidad di polis riba caya, controlando tur caminda.
