Home Police Den Hot Zone: Party bus completo controla door di polis, tur hende...

Den Hot Zone: Party bus completo controla door di polis, tur hende a wordo rista

SHARE
J.E. Irausquin Blvd – Diabierna anochi den careda di 11:30 un grupo di polis compaña pa un unidad di Douane K9 a guia un party bus den entrada di Hilton Aruba Caribbean Resort.

Diabierna atardi autoridad a start un controle di e asina yama Preventief Fouilleren y control general.

Polis lo a nota e party bus aki y aparentemente a nota algun “iregularidadnan”, cu a duna motibo pa un red flag.

E bus aki ariba su ruta e tawata tin e area di Hot Zone, esta tegenover di Hilton Resort.
Polisnan a guia e bus door di e drukte y pone drenta den e entrada di Hilton.

Aki ta unda cu polisnan a rondona e bus y a pone tur hende baha di dje, pa haci e controlnan necesario. Dilanti un multitud di turista polisnan a controla tur persona abordo.

Transportwagen di CEA tambe a yega e sitio pa si tin detencion pa por tumanan mesora.

Na final locual a haya tawata algun cuchiu y un tiki droga. No ta conoci si esaki a wordo haya ariba un of mas persona of den bus.