Home Police Accion general di parti autoridad ta duna resultado: Varios detencion, tambe arma...

Accion general di parti autoridad ta duna resultado: Varios detencion, tambe arma droga y auto confisca

SHARE
L.G.Smith Boulevard – Diabierna atardi a cuminsa un accion general di parti autoridad.
Den oranan di anochi polis hunto cu Douane, algo cu bo no sa mira mes pero sigur ta un bon iniciativa a tene control dilanti APA.

Douane su unidad di K9 tawata esun asigna pa haci e control pa droga.

For di Vocero Suplente di Cuerpo Policial Sra.Rasmijn nos a ricibi e siguiente relato di e accion:

” ARMA DI CANDELA CONFISCA Y VARIOS DETENCIONNAN DEN DIFERENTE DISTRICTONAN DI ARUBA

Diabierna anochi durante un control preventivo polisnan di San Nicolas ta para un auto den Rembrandtstraat. Durante e control polisnan a bin topa cu un arma di candela. Di biaha a bay na detencion di un hende homber
E auto y arma di candela a wordo confisca pa mas investigacion.

Polisnan den diferente districtonan a haci diferente detencionnan. Entre otro pa maneha auto bao influencia di alcohol, a confisca diferente autonan pa no tin e documentonan necesario. A confisca droga y tambe a detene personanan indocumenta durante control di trafico . E personanan aki a wordo pasa pa personal di Guarda Nos Costa.
Durante e anochi tambe a controla establecimientonan como tambe a para diferente autonan pa control y a reparti multa durante e anochi.

E accion di control di trafico y como tambe listramento preventivo pa cu arma di candela y/of droga lo continua”.