Home » Promé edishon di Sambil Pet Gala Fashion Show tabata un éksito

Promé edishon di Sambil Pet Gala Fashion Show tabata un éksito

by Admin
0 comment 106 views

“Tur djaweps ta pet friendly na Sambil”

Willemstad, Korsou: Riba djaweps 25 di Ougùstùs Sambil pa di promé biaha a organisá un Pet Gala Fashion Show di kual previamente partisipante nan a inskribí i a partisipá na un pre-selekshon via di un oudishon (casting) i ayera a bin kulminá den e evento final.

For di aña 2019, Sambil den un esfuerso pa konsientisá e pueblo di Kòrsou i mustra riba e importansha di kuida i stima nos animal nan a lansa ofisialmente “SAMBIL PET FRIENDLY” kaminda tur djaweps ta permití pa bishitantenan drenta e sentro komersial ku nan maskota.

E fashion show aki tambe ta forma parti di e programa i inisiativa aki. E ganador apsoluto kual ta “MIA” a resultá e maskota ganador di un Goodie Bag na balor di NAF 500,- kortesia di Veeris Pet Center i un name tag personalisá di Dva Paws. E kacho mas kreativo “PING” a risibí un gift set di Pet Fashion i un saku di kuminda kacho di United Sugar Trading. Tur partisipante a risibí un regalito speshal. Un danki di kurason na tur partisipante i demas sponsors nan KC flowers i Peluqueria Canina Grooming.

Keda pendiente pa mas aktividat, no solamente pa kacho sino tur tipo di bestia domestiko kaminda lo tin e posibilidat pa entre otro adoptá un maskota, risibí mas info tokante salú i training di maskota i hopi mas.
Esaki sin duda ta un tremendo inisiativa kaminda Sambil ta hasi posibel pa kombina entretenimentu, fashion i compra bou di un dak huntu ku bo maskota i alabes keda riba e nivel di sentro komershial nan mundialmente konosí ku tambe ta pet friendly.

Bishitá www.sambil.cw pa tuma nota di e reglanan i kondishonan ku ta aplikabel pa Sambil Pet Friendly.
Sambil ta invitá tur esnan ku tin amor i pashon pa nan maskota pa bin i disfrutá ku nan maskota. Sambil mas ku un sentro komershal lo sigui kontribuí na futuro di nos dushi Kòrsou i tambe nos maskota nan!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio