Konseho di Minister di Reino a nominá Ajamu Baly pa nombramentu dor di Rei Willem-Alexander komo Gobernador nobo di Sint Maarten. E ta susesor di Eugene Holiday den e funshon aki, kual su di dos término di mandato ta finalisá riba 10 di òktober. Gobernador aspirá Baly lo asumí e enkargo komo Gobernador durante di un reunion solèm den Staten di Sint Maarten.
Gobernador di Sint Maarten ta representá Rei i den e kapasidat aki e ta hefe di e gobièrnu di Sint Maarten. Den e funshon aki e ta inviolabel i e ministernan ta responsabel. Komo órgano di Reino, Gobernador ta atendé i pèrkurá pa e interesnan di Reino Hulandes. Rei ta nombra Gobernador pa un periodo di 6 aña. E por keda te maksimal 12 aña den e funshon.
Ajamu Baly (1977) a nase na Sint Maarten. El a studia Derecho Hulandes na Universidat di Amsterdam. For di 2014, e ta traha komo direktor-sekretario di e Hunta di Konseho (Raad van Advies) di Sint Maarten. Tambe for di komienso di e aña aki e ta hues komisario suplente di e Korte Komun di Hustisia. For di 2017 e ta miembro di e Hunta di Komisario di Banko Sentral di Kòrsou i Sint Maarten.
Konseho di Minister di Reino a yama danki na Gobernador saliente Holiday pa su empeño pa Reino.