Tanki Leendert/Paradera
Entrada hudicial na un apartamento den cura di un cas. Diahuebs algo despues 9 or di mainta. Un team di unidad di K9 di polis, team di aresto, recherche y ministerio publico a drenta na e adres aki.
Hefe di recherche di Noord tambe a presenta na e adres. Un buskeda basta largo y intensivo a tuma lugar
Un di e detenidonan ta un homber Chines,cu ta biba na Paradera, no ta prome biaha cu e ta haye den problema cu husticia pa bendemento di droga.
Despues nan a bay cu e Chines deteni, na su cas na Paradera y aki a bolbe haci un entrada hudicial na e cas. Autoridad a baha e detenido y a bay paden cu ne. Un rato despues nan a sali bay cu ne, probablemente warda di recherche pa interogacion.
Pueblo ta puntra y kier sa ki dia ta piki e grandinan. Autoridad ta keda pone man ariba e chikitonan manera ta wordo bisa na Hulandes “Mooi en Alles”, pero ki dia ta piki e cabesnan e grandinan. Ta masha hopi chikito a piki y no por bisa cu ningun di nan a bisa pa ken nan ta bende etc etc etc.
Manera nos a bisa anteriormente, ta hopi bon cu ta combati bendemento di droga estilo di delivery. Pero, na mes momento ta carganro hiba awa lama debi cu e ta caba un ongoing project cu mester yega na e cabes y esaki no ta refleha esey
E ta mescos cu tur dia ta bari blachi di un arbol y tanten cu e arbol tey e blachinan lo sigui cay. Dia cu kap e mata completo blachi lo stop di cay.
