Esaki en conexion cu un training pa e personal
ORANJESTAD – Departamento di Impuesto ta informa cu diabierna dia 26 di augustus 2022, e seccion “Servicio na Cliente’’ lo ta cera parti atardi na oficina principal na Camacuri. Esaki ta nifica cu ta brinda servicio na publico via telefon 5227424 solamente parti mainta entre 7:45 y 11:30. E orario aki ta valido tambe pa e servicio brinda na e balie di recepcion.
E servicio di caha ta continua durante henter dia segun e orario di custumber. Pues tanto na e oficina principal na Camacuri como na e oficinanan den districto, lo ta posibel pa haci pago te cu 3:30 di atardi.
Dialuna, dia 29 di augustus 2022, e servicionan menciona lo continua manera custumber. Departamento di Impuesto ta pidi su contribuyentenan pa tuma bon nota di e cambio di orario menciona pa evita cualkier inconveniencia.