Catashi, Diaranson algo prome cu 2’or di merdia a sosode un accidente cu basta daño material y hende herida, esaki a sosode na altura di e bocht skerpi na Catashi, un Toyota Yaris shinishi y un Nissan March a dal semi frontal contra otro.
E impacto tabata hopi fuerte cu e chauffeur di e Nissan March a resulta herida. Den e yaris tabata tin un baby pero no tabata mustra herida. Mesora a pidi pa presencia di polis y ambulance.
Na yegada polis a cera e caminda, ambulance tambe a yega hopi lihe na e sitio y a atende cu e herido y despues a transport’e pa hospital pa un checkeo medico mas avansa. Ambos auto a ricibi hopi daño material, e Toyota Yaris e e wiel banda robes a ranca completamente y e march a haya hopi daño material na e parti di dilanti y na banda robes. Ambos auto no por a move mas riba nan mes y a pidi pa takelwagen.
