Home » PREMIO EXCELENCIA DEN DEPORTE TA RECONOCE SRA. GLENDA ILUMINADA CROES – TROMP COMO BALUARTE DEPORTIVO DI AÑA 2021

PREMIO EXCELENCIA DEN DEPORTE TA RECONOCE SRA. GLENDA ILUMINADA CROES – TROMP COMO BALUARTE DEPORTIVO DI AÑA 2021

by Admin
0 comment 73 views

ORANJESTAD: Diasabra ultimo comision organisado di Premio Excelencia den Deporte a rindi homenahe na 10 baluarte deportivo cu a dedica gran parti di nan bida na deporte di Aruba. Un di e personanan cu a wordo reconoci den e anochi di gala ta sra. Glenda Iluminada Croes-Tromp di Aruba Triathlon Association Aruba.

Un tiki di sra. Glenda su trayecto y experencianan deportivo:
2020 – 2022 Boluntario di Aruba Triathlon Association
Sra. Glenda ta un boluntario tras di cortina di Aruba Triathlon Association y ta e persona encarga pa prepara e bib numbers pa e eventonan.
2018 – 2020 President di Aruba Triathlon Association
Sra. Croes – Tromp a fungi 2 aña como president di Asociacion di Triathlon unda a tuma decisionnan clave y importante pa e asociacion.
2007 -2018 Secretaria di Aruba Triathlon Association
Pa 11 aña sra. Glenda tabata secretaria di Aruba Triathlon Association caminda a haya tur experiencia necesario pa no solamente haci e trabou di secretaria lo mas eficiente y perfecto posibel pero tambe pa bay pa e siguiente nivel y a postula su mes pa presidente di e asociacion.
2009- 2017 Board di Comite Olimpico Aruba
For di aña 2009 – 2017 sra. Croes – Tromp forma parti den e board di C.O.A caminda a aporta en grandi pa cu nos atletanan olimpico.

Sra. Glenda a ricibi su reconocemento for di Prome Minister di Aruba sra. Evelyn Wever – Croes. Den nomber di Gobierno di Aruba, Minister Endy Croes ta felicita sra. Glenda cu e reconocemento Baluarte Deportivo 2021 danki pe dedicacion amor y aporte den deporte di Aruba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio