MINISTER ENDY CROES A REUNI CU FUNDACION FACILIDADNAN DEPORTIVO (FFD) RIBA E ULTIMO DESAROYONAN PA CU PROYECTONAN DEPORTIVO.

ORANJESTAD: Dialuna atardi den un esfera ameno Minister Endy Croes a reuni cu directiva di Fundacion Facilidadnan Deportivo (FFD). Unda a trata diferente puntonan di interes general. Manera proyecto pa iluminacion pa BMX Track den Parke Curason Jaburibari como tambe e ultimo desaroyo den negociacionnan cu AVB/ FIFA pa algun proyecto sumamente interesante. FFD ta trahando riba un plan di mantencion pa e parkenan y pronto lo presenta esaki na e mandatario di Deporte. Directiva di FFD a informa e mandatario cu e fundacion ta den proceso di reorganisacion. Minister Endy Croes a expresa cu e tabata un bon reunion na unda cu comunicacion, colaboracion, creatividad y pensamento critico pa resolve problema ta ingredientenan di competencianan di siglo 21 cual ta factornan hopi importante.