Home Politics MINISTER ENDY CROES TA FELICITA JOSHUA FRIAS Y CORINA BOEKHOUDT CU A...

MINISTER ENDY CROES TA FELICITA JOSHUA FRIAS Y CORINA BOEKHOUDT CU A LOGRA MEDAYA DI ORO Y BRONS DEN E COMPETENCIA DI POWERLIFTING NA PANAMA.

SHARE

 

 

ORANJESTAD: Diasabra mainta Minister Endy Croes a pasa aeropuerto internacional Reina Beatrix pa ricibi e atletanan Joshua Frias y Corina Boekhoudt cu a competi den e 19th North American Powerlifting Championships, cual a tuma luga na Panama City, Panama. Mas di 350 atleta a participa den e competencia. Durante e evento aki, dos atleta local Joshua Frias y Corina Boekhoudt a representa nos pais den e disciplina ‘classic’. Joshua Frias a gana medaya di oro den categoria junior -66 KG. Ademas di gana oro den un manera hopi impresionante, e ta logra kibra un record regional cu pa shete aña no por a wordo surpasa. Cu un ‘deadlift’ di 233 kilo, e la logra mehora e marca di e record.  Corina Boekhoudt a gana medaya di brons den catergoria masters I -69 KG den e competencia di Powerlifting IPF/NAPF. Ambos atleta a mustra cu e deseo, disciplina, dedicacion y determinacion bo ta logra bo meta y duna un excelente prestacion na un evento di e nivel aki. Danki pa pone Aruba su nomber briya den exterior. Nos ta orguyoso di boso! Masha pabien!