Franse Pas – Diadomingo atardi algo pasa di 5:30 polis y ambulance a bay direccion Franse Pas, pa ta exacto den bocht unda antes hopi auto tawata accidenta.
Na yegada di polis ambulance ya tawata na e sitio dunando asistencia.
E dos autonan envolvi tawata un Nissan Sunny y un Hyundai i 30.
Den e Hyudai tawata tin e personanan herida. Den e mesun auto tawata tin un baby y danki Dios e tawata den su child seat y no a resulta herida.
Paramediconan na e sitio mester a atende un otro persona cu a resulta herida na cabes.
E accidente a sosode momento cu e Nissan Sunny lo a perde control y dal contra e Hyundai.
Chauffeur di e Sunny a baha bay sinta den mondi y despues Paramediconan a bay papia cu ne tambe.
A bin resulta cu e mes no a resulta herida, polis a dicidi di haci un test di alcohol cu ne y a resulta cu e tawata bou influencia. Eynan mes e la wordo deteni y hiba warda di San Nicolas.
Na e sitio a presenta dos ambulance pa atende cu e personanan herida, unda cu tres hende a wordo hiba Eerste Hulp atencion medico avansa.
