Home » Bou vigilancia extricto a tuma lugar un intercambio di preso riba pista na Airport di Aruba

Bou vigilancia extricto a tuma lugar un intercambio di preso riba pista na Airport di Aruba

by Admin
0 comment 82 views

Sabana berde: Diasabra den oranan di merdia por a mira un cantidad di auto di polis y di KIA cu lo a rondona un Avion cu a aterisa riba e pista di Aeropuerto Internacional Reina Beatrix. E avion tabata procedente di Corsou y abordo tabata tin un preso basta peligroso cu a yega bek Aruba.

Pa e motibo aki tabata tin siguridad maximo rond di e avion. Na momento cu a baha e preso cu a bin for di Corsou, e agentenan tabata arma y bou vigilancia estricto a transport’e mesora pa KIA. Tambe autoridad a pone un otro preso peligroso riba e avion cu destino Corsou. E intercambio aki a sosode masha lihe mes.

Esaki sigur no ta algo cu nos ta mira constantemente, pero ta algo cu leu a leu sa sosode. E cantidad di autonan cu a rondona e avion, e vigilancia estricto y cu tanto agente arma a hala atencion di varios persona cu tabata pasando na e momento ey, banda di e pista di airport.

E imagen no ta di bon calidad,  nos a ricibi’e di un persona cu pa casualidad a pasa eybanda.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio