Home Local Aruba Bank ta promove deporte y sostenibilidad y ta contribui na e “Annual Aruba International...

Aruba Bank ta promove deporte y sostenibilidad y ta contribui na e “Annual Aruba International Regatta”

SHARE

 

Oranjestad –Aruba Bank a haci entrega di premiacion durante di e Annual Aruba International Regatta organisa pa Fundacion di Aruba Regatta, cu tin como vision pa crea plataforma pa introduci e posibilidad pa nabega na un publico mas grandi y conecta hende cu naturalesa y experiencia sostenibel den deportenan aquatico.

E evento cu a tuma lugar dia 20 y 21 di augustus 2022 a consisti di diberticion, acion y competencia bou di diferente yate, catamaran, kitesurfers y windsurfers nan internacional durante e dos dianan combina cu musica, fiesta na beach y comemento durante anochi. Tur nabegante a competi pa e premio maximo.

Aruba Bank ta contento di por a forma parti di un evento cu ta trece nos nabegantenan local y internacional hunto pa asina por conecta mas na nos naturalesa y introduci e mundo sustenibel un poco mas. Representante di Aruba Bank, Executive Director Sra. Gina Habibe, tabata presente pa haci entrega di premio na e ganadornan.

Pabien na organisadornan y participantenan di e Aruba International Regatta cu ta tuma lugar anualmente.