Zandstraat – Dialuna den oranan trempan Aruba a bay den un Black Out total.
Poco poco e coriente a cuminsa bin bek, e la bin bek y por a ripara cu e coriente no tawata stabil cu a causa cu e la bay bek.
Despues di basta rato Elmar a cuminsa traha pa stabilisa e coriente den diferente bario y poco poco Aruba a cuminsa normalisa.
Cashi coriente sacando huma
Den careda di 11’or polis a wordo notifica cu e kashi coriente den Zandstraat tawata sacando huma y mesora a avisa tanto Elmar y Brandweer.
Un team di Elmar a yega y mester a warda pa un otro parti corta e coriente di e cashi aki pa asina Brandweer por bay over pa haci su trabou.
Por a mira cu poco poco huma preto toxico tawata sali di e cashi.
Ora a haya e ok pa habri esaki personal di Elmar a habri esaki y Bomberonan por a cuminsa cu blussen.
Personal di Elmar na e sitio no por a confirma cu si lo por ta trata fayo grandi debi na e bay bin di coriente y nan lo tin di bay averigua kiko exactamente a sosode.
E area lo a permanece pa 3 ora ney sin coriente.
