Home Police Auto a pasa y los tiro na Tanki Leendert den ora di...

Auto a pasa y los tiro na Tanki Leendert den ora di marduga

SHARE
Tanki Leendert – Diadomingo marduga den careda di 4’or polis a bay un adres na Tanki Leendert, unda lo tawata tin un caso di tiramento.

Na prome instante e patruya a bay un adres robes y tawata pita pero niun hende tawata sali, debi cu no tawata eynan.

Despues nan a move y a bay e adres corecto.

Eynan e habitantenan a splica e dos agentenan kiko a sosode. Segun nos a compronde na e sitio un auto lo a pasa y den dje tawata tin mas cu dos persona.

Un di e hendenan den e vehiculo lo a saca un arma y tira, aparentemente den halto.
Polisnan a cana unda e auto lo a para y los tiro pero no a bin topa cu ningun huls indicando cu e arma usa no ta di peña.

Dado momento e comunicacion cu e agentenan a “tranca”, debi cu segun e agentenan e hendenan lo no ta bisando tur cos.
No a keda e dos agentenan nada otro di subi patruya y bandona e sitio.

Pues pa autoridad o sea e dos agentenan ta keda un vraagteken di kiko exactamente a pasa cu e caso aki.