Home Police Accidente auto cu brommer na Meiveld, motociclista a resulta herida

Accidente auto cu brommer na Meiveld, motociclista a resulta herida

SHARE

Meiveld: Diabierna algo despues di 8’or y mey di anochi a sosode un otro accidente entre auto cu brommer. Esaki a sosode riba e caminda di Meiveld, un auto blanco tabata biniendo di pariba, no a duna e brommer cu tabata biniendo di pabou preferencia y a lora su dilanti.

E impacto fuerte a laga e motociclista herida, e victima tabata keha di dolornan na su pia y cabes. Segun e motociclista e la trata na evita e impacto pero no a logra.

Polis y ambulance a presenta na e sitio, despues cu paramediconan di ambulance a trata e victima na e sitio a transport’e pa hospital.