Dos supermarket cera, pa falta di carchi berde y higiena.
Bubali, Caya Danza:
Diaranson a tuma luga controlnan di higiena den area di Noord y becindario.
Un team di controladornan di DVG hunto cu polis a tene un control na varios negoshi y durante e controlnan aki a bishita Hey You Food Mart na Bubali y Wei Pau Supermarket den Caya Danza.
Ambos negoshi a wordo cera pa motibo di no tabata cumpli cu e reglanan di higiena. Nan no tabata tin carchi berde na ordo y tambe a bin topa cu masha hopi sushi di raton.
E controlnan lo continua den e dianan nos dilanti. Ta hopi importante pa tur negoshi cu ta bende cuminda na Aruba pa tur persona cu ta trahando tin nan carchi berdenan na ordo, y tambe pa no tin personanan indocumenta den servicio, pasobra boet halti por cay y tambe e negoshi mester ta limpi y higiena.
DVG ta controlando rond di Aruba y negoshinan cu no ta cumpli lo wordo cera. Negoshi cera ta perdida di entrada.
