Arashi – Diaranson atardi pa mas o menos 5:20 informacion a drenta di un caso lamentabel di hogamento na Arashi.
Unidadnan di Motor Unit cerca mesora a bay pa dicho luga y mesora a drenta den accion, door di cuminsa duna CPR ariba e persona.
Mientrastanto ya ambulance tawata algun minuut leu di e sitio.
Na yegada di dos unidad di Ambulance Paramediconan mesora a take over, pero lamentabelmente mucho mas no por a haci.
Na e sitio nos a compronde cu cabayero aki tawata canando ariba beach y a sak den otro. Pues lo no tawata trata di un caso di hogamento.
Aki ta sigui informacio oficial di Vocero Suplente di Cuerpo Policial Sra.Rasmijn:
“Un turista masculino canando banda di lama a sak den otro y hendenan eybanda a pidi ambulance cu urgencia”.
Unidad di motor a jega prome na e sitio y a cuminsa duna cpr te ora ambulance a yega. Lamentablemente nan tampoco por a haci nada mas.
Pa 17:45 Dr Texier ta constata morto di turista homber di nacionalidad Colombiano J.A.P. (69)
E turista a muri di un ataka di curason y no hoga manera a wordo pensa na prome instante.
Sra.Janine Rodriguez di slachtofferhulp tambe a presenta na e sitio, pa duna asistencia na e famia den e momentonan dificil aki.
