166
Caya G.F.Betico Croes – Diaranson mainta rond di 10:30 polis y ambulance a bay ariba Caya G.F.Betico Croes unda a sosode un accidente cu hende herida.
E accidente a sosode ariba e crusada cu ta bay pa Caya Solo.
Na yegada di polis a topa cu un Nissan Pathfinder y un Nissan Versa. Na stuur di e Versa tawata un señora chauffeur di edad y e tawata tin mester di atencion medico.
Na e sitio nos a compronde cu e Versa maneha pa e señora lo tawata tin e señal poni pa bay rechts, pero a sigui strit. Chauffeur di e Pathfinder cu a mira e señal pa bay rechts a confia y a subi caminda hayando su mes den un accidente.
Caminda a wordo cera un banda, autonan ariba rotonde di Dadelstraat no por a bay direccion pabou pero trafico direccion rotonde Dadelstraat si por a continua normal.
Ambulance cu a yega e sitio mesora a duna e señora e atencion necesario.