Home Politics Parlamentario Marco Berlis (MEP): E uso di gas natural na web lo...

Parlamentario Marco Berlis (MEP): E uso di gas natural na web lo tin un impacto positivo pa nos medio ambiente

SHARE

Gas natural ta reduci e contaminacion actual di HFO enormemente!

Ya tin un tempo cu hopi informacion a sali den prensa y e medionan social, cuanto impacto positivo e proyecto di Eagle LNG y gas natural lo tin pa e pueblo di Aruba. Principalmente e uso di gas natural lo stabilisa e prijs di awa y coriente pa nos pais, pero tambe lo tin beneficionan enorme den parti di contaminacion compara cu e uzo di HFO na WEB. Pa nos por compronde e balor agrega di gas natural nos mester compronde bon prome kico HFO ta realmente.

Kico HFO ta realmente?
Heavy Fuel Oil ta un categoria di fuel oil cu ta basta diki manera e azeta cu ta wordo uza den asfalt. HFO tambe ta wordo yama bunker fuel of residual fuel. HFO ta e resultado di loke ta resta di destilacion y e cracking process di petroleo. Pa e motibo aki, HFO ta contamina cu diferente componentenan manera Sulfer, Nitrogeno y Aromaticonan, hacienda HFO un fuel cu ta contamina hopi mas cu cualkier otro fuel oil. HFO ta e residuo di procesonan di petroleo y ta refleha y contamina tambe como tal. E ta e contaminador mas grandi den tur e azetanan!

Unda HFO ta wordo usa principalmente?
HFO ta wordo hopi uza como fuel pa barconan aunke esaki a bin ta cambia rapidamente ultimamente, ya cu tur barconan nobo cu ta wordo traha actualmente lo bay uza motornan cu ta bay traha riba gas natural! Lo stop di usa HFO pasobra e ta contamina medio ambiente drasticamente y ta un riesgo grandi si e cay den lama pa via di un accidente.

Mundo henter ta eliminando HFO pa bay over na Gas Natural
Fabricanan, barconan, makinaria y otro tipo di industrianan ta decontinuando HFO y ta bayendo over pa Gas natural globalmente. Pakico? Pasobra e ta hopi mas economico, stabil, y hopi mas limpi pa medio ambiente.

Con hopi mas limpi Gas Natural ta cu HFO?
Ora WEB lo ta uzando 100% gas natural enbes di HFO como fuel, WEB lo ta reduciendo emisionnan cu: 30% reduccion den CO2 emissions, 75% reduccion den NOx emissions, 99% reduccion den SOx emissions, 90% reduccion den Particulate emissions – cu ta conoci pa ta esun di mas impactante pa calidad di bida y cu ta directamente asocia cu enfermedadnan respiratorio. Pa pone simpel pa tur hende compronde, gas natural ta elimina e mayoria di emisionnan local y ta provee e caminda pa cero carbon emissions atraves di avancenan den tecnologia. Aruba merece un medio ambiente limpi! Gas natural lo duna nos esey.

Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!