Home » Parlamentario Darlaine Guedez-Erasmus: FMAA y SPD a uni pa forma Stichting Hunto y sigui traha p’un solo meta

Parlamentario Darlaine Guedez-Erasmus: FMAA y SPD a uni pa forma Stichting Hunto y sigui traha p’un solo meta

by Admin
0 comment 49 views

 

 

Desde oktober 2020 Fundacion pa Maneho di Adicion Aruba (FMAA) y Sociaal Psychiatrische Dienst (SPD) a firma un MoU cu e meta pa uni y bira un solo fundacion cu ta yama awo Fundacion Hunto. Pa hopi aña caba e profesionalnan den e parti salud mental y adiccion ta mirando den e direccion di tin un fundacion cu lo por traha hunto y eficiente, pa asina por complementa otro den e trabou. Asina ey e profesionalnan por trece nan conocementonan pa duna un tratamento amplio na e bienestar di e pashentnan.

 

Stichting Hunto sigur ta trece un speransa den nos comunidad pa cada ciudadano. Sigur tambe pa e mayornan cu tin nan yiunan cu ta canando den un direccion menos bon. Stichting Hunto lo tin un seccion pa atende cu mucha y hoben. Esaki sigur ta algo cu na Aruba nos mester di dje. E ta hopi importante pa nos cuminsa atende e problemanan na un edad hoben y no warda pa mañan cu por ta laat of cu por haci e proceso mas dificil y largo. 

 

Mi kier gradici gobierno di Aruba, specialmente Minister Rocco Tjon, pa pone esaki den su maneho, tambe profesionalnan cu ta hopi dedica y ta traha cu pasion pa yuda tur e pashentnan, e coleganan parlamentario cu a mira e importancia tambe di e proyecto aki y cu a aproba e presupuesto 2022, pa esaki ta un realidad awe. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio