Home » Fundacion Go Cultura ta gradici tur cu a brinda apoyo… Etty Toppenberg a ricibi homenahe grandioso

Fundacion Go Cultura ta gradici tur cu a brinda apoyo… Etty Toppenberg a ricibi homenahe grandioso

by Admin
0 comment 50 views

Diabierna dia 12 di augustus riba un Plaza Nicky Habibe completamente yena di fanaticonan, amigonan y famia di nos baluarte local Etty Toppenberg, nos por a presencia y celebra un homenahe bon mereci pa e 65 aña di excelencia artistico di nos baluarte cultural.

Fundacion Go Cultura cu a tuma e iniciativa aki pa den un tempo hopi corto, organisa, produci y presenta un homenahe pa celebra cu Etty Toppenberg su 65 añanan den farandula ta desea di gradici tur persona y organisacion cu a uni forsa pa esaki por a bira un realidad.

Na Unoca, Departamento di Cultura y Ministerio di Cultura cu a forma un aliansa balioso de inmediato cu Go Cultura pa hunto nos presenta e evento aki, un danki inmenso. Na henter famia di Etty Toppenberg, specialmente Corma Toppenberg – Vroegindeweij, Stella Toppenberg, Alwin y Rennick Toppenberg y Ivolaine de Nobrega cu a percura pa provee material visual y informacion importante.

Na esnan cu a asisti Fundacion Go Cultura den e proceso importante di colecta y comparti musica y informacion historico y veridico: Departamento Arubiana-Caribiana di Biblioteca Nacional, Graciela Nedd y Zetsia Ponson. Tambe Maybelline Arends Croes, Maikel Oduber, TeleAruba, Richinald Velazquez y Trevorr Rosel, TeleCuraçao y Melania van der Veen.

Na Ildemar Kock y henter e ekipo di TeamFilms Aruba cu a percura pa documenta y transmiti e homenahe aki pa Aruba y mundo por a mir’e. Cu cooperacion di TeleAruba, Nos Isla TV, DiarioTV, Canal 22, VIP Radio, Radio Bo Guia 88.9 FM, Nos Pais TV na Corsou y Bonaire.tv na Boneiro, hopi danki!

E homenahe musical aki a conta cu un elenco impresionante di artista cu durante un poco mas cu 3 ora largo a presenta un mahestuoso concierto dedica na Etty Toppenberg. Na e orkesta musical excelente, cu a inclui tambe amigonan di Etty manera Mario Middendorp, Benny Vrolijk, Alberto Pablo, Robert Solagnier, Chichi Perez, Rudy Dorcas, Victor Werleman y Eric Brete cu tur diabierna a presenta cune dilanti di Djiespie’s place pa hopi aña, gradicimento inmenso pa por a logra esaki den apenas algun dia.

Artistanan Ruthy Vrieswijk, Jaylon Machado, Nicole Martines – de Kort, Arianne Westerburger, Eric Escalona, Max Hassell, ex alumnonan di Etty, Jack Tromp, Nilka Franka, Maybelline Arends – Croes, Susjaira Kerpens, Arlenne Wever Croes, Quincy Hasham, Tabitha Smith Heemstadt, Stephanie Quant, Priscilla Quant, Ivy Ann Bryson, Jeanedy Semeleer, Rajiv Landaeta y tambe Massive Brassband y TBS Brassband, palabranan di gratitud inmenso.

Na Jacqueline Wernet cu a haci un trabao excelente pa conduci e transmicion bibo di e evento aki. Danki jacky!

Mencion Special na Aleda N.V. pa e tremendo servicio y pa a contribui na e evento aki.

Na e publico cu a responde di un forma magnifico na e invitacion y a percura pa yena Plaza Nicky Habibe. Masha danki! Tur esnan cu tabata tey presente tabata di acuerdo cu e homenahe aki na Etty Toppenberg tabata uno cu el a merece pa e logro di su 65 aña den e mundo di entretenimento y pa tur loke el a haci y significa pa Aruba. Tur esnan presente tabata consciente cu nan a experencia un anochi historico y inolvidabel. Fundacion Go Cultura por mira bek riba un otro evento sumamente exitoso, historico y inolvidabel.

Pabien na nos baluarte local Etty Toppenberg cu su 65 aña den farandula y pa su homenahe excepcional cu el a merece. Danki Etty pa tur locual cu bo a haci te cu awor y pa locual bo ta significa pa nos Aruba.

Alabes nos ta invita nos comunidad pa sintonisa y disfruta di e re-transmicion di e homenahe aki cu lo tuma lugar riba dia di cumpleaños di Etty Toppenberg cu ta diabierna awor 19 di augustus pa 7’or di anochi riba Nos Isla tv canal 23 y tambe riba pagina di Facebook di Fundacion Go Cultura y Unoca.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio