209
Matavidiri – Diamars atardi despues di 6’or polis di Santa Cruz y di trafico a bay ariba e caminda di Matividiri, pa un accidente di quadracer.
Na yegada polis a constata cu ta trata un biaha mas di accidente di quadracer unda tin turista envolvi.
Segun e tour guide, e dama ariba e quadracer a bay bira ariba e caminda, pa bin bek cerca e caravana. Algo a bay robes y a causa cu e quadracer a “bula” bay pega contra e transha y esaki a ocasiona cu e dama a cay herida su mes.
Na yegada di ambulance Paramediconan a controla e dama cu tawata ariba caminda drumi y a opta pa hibe pa Hospitaal debi cu e tawata keha di basta dolor.
Polis di trafico y Forensys tawata presente pa a tuma dato di e accidente.