Home » Controlnan ta continua: Manager y algun trahado haya sin carchi berde na Mc Donald’s

Controlnan ta continua: Manager y algun trahado haya sin carchi berde na Mc Donald’s

by Admin
0 comment 100 views
Santa Cruz: Dialuna atardi control di DVG a sigui riba restaurantnan den area di Santa Cruz.
Den oranan laat di atardi Mc Donald’s Santa Cruz a ricibi bishita di DVG. Un team di DVG cu ta hopi activo controlando restaurantnan especialmente den area di Santa Cruz.

Siman pasa durante control, a bin topa naKentucky Fried Chicken Santa Cruz un dama stranhero, den posicion di restaurant manager pero indocumenta y sin carchi berde.

Tambe despues a topa cu varios trahado sin carchi berde manera ya nos a anuncia caba. DVG a cera e restaurant y polis a detene e dama ilega y a transport’e pa warda di polis.

Su siguiente dia e restaurant a habri y DVG a bolbe controla y a bolbe haya trahado sin carchi berde, pero asina mes a permitinan habri pero solamente via drive thru, pa motibo cu no tabata tin suficiente trahado.

Dialuna tabata beurt di nan bisiña cu ta otro banda di caminda, esta Mc Donald’s, aki tambe DVG a bin topa cu un manager no indocumenta pero si trahando sin carchi berde y tambe algun trahado cu tampoco tin carchi berde.

Tur a wordo manda cas, asina mes a laga Mc Donald’s habri, pero cu menos trahado.

Pa saca un carchi berde por dura como 10 dia pa esaki keda cla y e tin su gastonan envolvi. Pues e dianan nos dilanti Mc Donald’s lo draai si pero ariba menos trahado.

Controlnan lo continua y no ta descarta e posibilidad cu restaurantnan, snacknan den otro districtonan tambe lo bay ricibi bishita di control di DVG.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio