“Gasoline station nan ta hopi den publicidad ultimo dianan cu diferente sorto di accidente”
Sero Blanco, Oranjestad
Diadomingo den careda di 3 or y 45 di atardi, presencia di ambulance y polis a wordo pidi na Citgo Sero Blanco pa un incidente cu a sosode cu un mucha chikito.
Na yegada nan a bin compronde cu e homber cu ta yena gasolin a pone e slang pa yena gasolin den e tanki, pero e mama pa un of otro motibo lo tabata tin pura y no kier a warda pa e homber mes saca e slang for di e tanki di gasolin di e auto y e mama a dicidi di baha for di auto y saca e slang, e mucha chikito net na e momento ey tambe lo a baha for di auto. Lugar a resulta cu e pomp no tabata cla di yena gasolin ainda y ora e mama a saca e slang, e gasolin ainda tabata core y a basha riba e mama y den cara di e mucha chikito.
Mesora a pidi pa presencia di ambulance, nan a wordo instrui pa keda baña nan cu awa te ora ambulance yega.
Na yegada e paramediconan di ambulance a trata e mucha na e sitio y despues a transporta e mucha pa hospital.
