Westpunt – Diabierna den careda di 9’or di anochi a sosode un accidente serio cu hende herida y tambe bastante daño material ariba caminda di Westpunt.
Chauffeur di un Jeep Wrangler geel tabata bayendo direccion zuid, pa un of otro motibo a baha caminda dal contra un Honda Civic cu tabata staciona dilanti di un cas, e impacto fuerte a pone cu e Wrangler a bolter y a dal contra un palo di luz.
E chauffeur tabata herida, cu un kap grandi na cabes y tambe a keda pega den e auto.
Mesora a pidi pa presencia di polis, Materiaalwagen di brandweer y tambe ambulance cu urgencia.
Na yegada e personal di brandweer mesora a cuminsa traha pa libera e victima. Mientras ambulance a cuminsa trat’e na e sitio mes, unabes cu bomberonan a logra liber’e Paramediconan a tume over y sali direccion Hospitaal cu urgencia.
Varios unidad di polis tabata na e sitio pa asina cera e caminda y desvia e trafico.
Ambos auto a haya basta daño materiaal, tambe a pidi pa presencia di Elmar pa controla e palo di luz cu a sufri daño.
