Home Police Chauffeur deteni despues di a ranca un borchi di trafico

Chauffeur deteni despues di a ranca un borchi di trafico

SHARE
J.E Irausquin Boulevard/ Avenida Nelson O.Oduber
Diabierna anochi rond di 10’or polis a bay altura di e edificio bandona di House of Cheng, unda un auto a ranca un borchi di trafico.

Na yegada polis a bin cu un vehiculo ariba e isla driehoek, debi cu e chauffeur a bay strit e la subi e isla y ranca e borchi.

Polis a hala e chauffeur un banda y nan a conbersa cu ne, mientrastanto ya a pidi pa transportwagen y alco-sensor.

E chauffeur tawata full cooperativo cu e agentenan y a bisanan abiertamente cu e tin problema cu alcohol o sea cu e no por mishi cu ne.

Na yegada di transportwagen nan a pone supla y manera por a predeci e lo no pasa test. Agentenan a lese su derecho y cu e ta keda deteni. Debi cu e cabayero tawata rustig e la subi den e transportwagen y no tawata tin necesidad di pone den boei.

Takelwagen mester a bin pa ranca e auto y poni un banda.