Home Police Un persona herida den accidente entre 4 auto

Un persona herida den accidente entre 4 auto

SHARE

Kamerlingh Onnesstraat – Diabierna mainta rond di 10’or polis a bay den Kamerlingh Onnesstraat pa un accidente cu hende herida.

Cuatro auto

Na yegada polis a constata cu tawata trata di un boksmento entre 4 auto. E prome auto tawata e Van di un fastfood cu ta den noticia ultimo dianan, e di dos ta un Hyundai suv, di tres un Mitsubushi Montero Sport y e ultimo ta un Kia Rio.

Chauffeur di e Kia Rio cu ta un hoben tawata esun cu a ricibi mas golpi y mester a wordo atendi na e sitio door di Paramediconan.
Su vehiculo tambe tawata esun cu a ricibi casi tur e daño material.

Polisnan di trafico a presenta na e sitio pa atende e boksmento aki, unda cu por mira cu e autonan no a mantene distancia y/of regula nan velocidad.