Home Police Chauffeur di Toyota Rav a core bay di e sitio, despues...

Chauffeur di Toyota Rav a core bay di e sitio, despues di a dal un pomp na Citgo Boulevard

SHARE
Lloyd G. Smith Blvd – Diabierna atardi rond di 3:30 polis a bay cu urgencia Citgo Boulevard unda un auto a ranca un pomp.
Esaki a causa cu gasolin lo a cuminsa basha.

Na yegada di polis e personal a usa e sistema pa stop e gasolin evitando lo peor.

Na e sitio nos a compronde cu e chauffeur di e Toyota Rav4 color blauw a lora cu velocidad halto, y a bay dal contra e pomp bentando e ariba un pick up na banda.

Di eynan e chauffeur a pasa man pa un tas cu tawata den auto y a core bay direccion Paardenbaaistraat, ey nan a perde di bista.

Esnan na e sitio lo a pasa man pa e registracion o sea papelnan di auto pa sa ken e ta.
E vehiculo lo ta registra na un adres situa na Bubali.

Brandweer ultimo pa a wordo avisa

Na yegada brandweer a benta un poco scuma ariba e gasolin cu a keda y a keda stand-by pa ora takelwagen bin ranca e auto.

Den cssonan manera esaki semper mester yama Brandweer pa evita algo grandi, manera un explosio. Kiko a bay robes cu no a yama Brandweer prome no ta conoci.