Home » Señora transporta pa Hospitaal despues di a inhala huma for di camber na candela

Señora transporta pa Hospitaal despues di a inhala huma for di camber na candela

by Admin
0 comment 70 views
Santa Marta – Diamars atardi den careda di 4’or Brandweer a wordo manda pa Santa Marta, unda cu un señora a yega su cas y paden tawata bou huma y mesora a bati alarma.

Brandweer a pura y a yega e cas, pero ya e momento eynan e señora a inhala basta huma.

Bomberonan cu a bay paden a realisa cu tur e huma tawata saliendo di un camber di cual e porta tawata cera.

A kibra e porta y momento cu a habri esaki a resulta cu debi na un fayo di coriente den e camber esaki a causa un candela, cu a kima gran parti di e camber.

Ambulance a wordo pidi, pero esaki a tarda un poco debi cu tur tawata ocupa e momento ey. Na yegada di ambulance un rato despues e Paramediconan a opta pa bay cu e señora Hospitaal unda a avisa slachtofferhulp.

Doño di e cas mes lo a keda di zorg pa un installateur pa controla e coriente den camber cu un poco mas a kima e cas completamente.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio