Piedra Plat – Diadomingo anochi pa mas o menos 10’or polis di Santa Cruz a bay altura di un supermercado na Piedra Plat pa un accidente.
Segun esnan presente, un señora na stuur di un Toyota Yaris a dal contra un baranca ariba e caminda principal di Piedra Plat y a sigui core.
Algun persona a logra stop e Yaris un poco mas pabou di unda e la dal lagando bumper cu plachi number atras.
Dilanti di e supermercado polis a topa cu e Yaris, na stuur un señora di edad y na banda un dama hoben cu tawata duna polis tur dato.
Parse cu e señora lo ta malo di salud of a bira malo tras di stuur momento cu e tawata bayendo rotonde di Piedra Plat.
Durante cu polisnan tawata papia cu e dama hoben e señora no tawata papia nada. Polis a pidi pa un ambulance.
Na yegad e Paramediconan a cana bay na e auto y a papia cu e señora y nan por a mira di biaha cu e algo pasa e señora debi cu e no ta papia.
Nan a pidi’e pa baha for di auto locual e la haci y hunto cu un Paramedico a e la cana subi den ambulance unda a bay sigui control’e.
Mester a warda ariba road service pa nan mira con ta bay haci cu e Yaris, mirando cu e lo no bay core ariba su mes un forsa debi cu a kibra e tire dilanti banda drechi.
