Home International Homber (50) a fayece, despues cu mucha (3) a baha handrem di...

Homber (50) a fayece, despues cu mucha (3) a baha handrem di auto, e homber a cay y a drenta net bou di e auto cu tabata den movecion

SHARE

DÜSSELDORF, Alemania – Na e municipio Haan, cerca di Düsseldorf, diasabra un homber di 50 aña a cay drenta bou di un auto y a fayece. Segun informacion di polis y  brandweer, un mucha di 3 aña a baha handrem di e auto y cu consecuencia cu e homber lo a slip cay y a bay bou di e auto cu tabata den movecion, 

Tur cos a cuminsa na momento cu tata di e dos mucha homber nan un di 3 y un di 6 aña, a para su auto y a baha pa combersa cu dos otro homber. E tres hombernan tabata para banda di auto ta combersa. E tata (45) a laga su dos yiunan sinta y bon faha den nan carseat. Mientras cu e tres hombernan tabata combersando, e muchanan a logra kita nan seatbelt y a sali for di e carseat. E mucha di 3 aña a bula bay sinta dilanti y aki pa un of otro motibo a logra baha e handrem di e auto.

E auto a cuminsa move bay dilanti, mesora e hombernan a trata na wanta e auto, pero lamentabelmente e homber di 50 aña lo a slip cay y a bay bou di e auto. E homber a keda pega bou di e auto. Mesora a pidi pa polis, ambulance y brandweer cu urgencia pa yuda libera e homber cu tabata mal pega bou di e auto. Brandweer mester a bin cu un ekipo special pa lanta e auto pa por a saca e homber, pero ni maske cu paramediconan a duna e homber CPR, e homber no a sobrevivi y a fayece na e heridanan cu e la ricibi.