Home Police Homber a wordo gedal cu pida bloki den cabes altura di Paseo...

Homber a wordo gedal cu pida bloki den cabes altura di Paseo Herencia

SHARE
J.E. Irausquin Boulevard, Palm beach.
Diasabra den careda di 10:15 di anochi, presencia di polis y ambulance a wordo pidi cu urgencia pa un homber cu banda di e bushalte dilanti Paseo Herencia, lo a wordo gedal cu un pida bloki di cement, e homber lo tabata herida.

Na e sitio nos a bin compronde cu tabata trata di un grupo di tres persona eybanda anto un homber a tabata papia su so y haci cosnan straño, un persona a puntre si e ta droga, e guy kier a bringa cu e persona y su amigonan a wante, pero e la los coy un pida bloki di cement dal e homber den su cabes. Di eynan esun cu a dal y esnan cu tawata cu ne a core bay di e sitio prome polis yega.

Mesora hendenan den vecindario a avisa polis y tambe lo pidi pa ambulance, mirando cu e homber tawata ariba suela despues di a ricibi e golpi di e bloki.

E homber herida tabata sinti’e hopi marea, personal di ambulance a trat’e na e sitio y despues a transporte pa hospital. Polis a core rond busca e hoben cu lo a dal e homber, pero no a topa cu ni cu ne of su amigonan.