Santa Cruz – Diadomingo pasa di mey anochi drentando e parti final di e peleanan den Centro Deportivo Libertador Betico Croes, cos a bay robes.
Un compleho yen yen di hende, pa presencia peleanan den diferente catergia y pa apoya nan atleta di preferencia.
Na e Centro tawata tin basta polis tambe, debi cu ta un evento grandi pa mantene ordo publico.
Dado momento polisnan atento a drenta accion y mesora a pidi pa mas polis.
Problema a start.
Informacion no oficial cu nos a logra haya ta cu un di e participantenan o sea un di e atletanan lo busca problema cu un mucha menor di edad.
Kiko exactamente no ta conoci, locual por a tende den e luga mes tawata algo relaciona cu 2 gang cu tawata paden.
Un otro informacion tawata cu un di e atletanan lo a insulta un mucha(13) y akinan su tata lo a cay aden.
Segun testigo, polis lo a detene algun persona(gang) cu tawata bisti na e color blauw y enberdad dos di e detenidonan cu a yega warda na Macuarima tawata tin blauw den nan bisti. E resto a wordo hiba patras na warda di polis cu e van di CEA, pero no por a wak esakinan.
Informacion oficial haya di parti Cuerpo Policial ta indica cu Mobiele Eenheid a efectua 5 detencion y Flex Team 1.
Entre e grupo aki tin un muhe tambe.
No ta prome biaha cu eventonan manera esaki ta caba na bringamento sea paden of pafo y ta pa e motibo aki autoridad ta pone un cantidad grandi di polis disponibel.
