187
Paradera – Diabierna algo prome cu 5 or y mey di atardi, presencia di polis y ambulance a wordo pidi na Paradera, altura di Animal Health Care, pa un ciclista cu a wordo alcansa pa un auto y a keda herida.
Na yegada di polis, e ciclista y e Kia Rio tawata ariba acera. Despues di e impacto cu tawata den entrada di e Vet clinic tanto e bicicleta y e auto a keda eynan para.
Na e sitio nos a conpronde cu e Kia Rio a bira na su man robes y no a duna e ciclista voorrang y asina causando un accidente.
Polis di trafico y ambulance a wordo solicita na e sitio y den algun minuut a ambulance a yega y Paramediconan a bay atende cu e ciclista cu a tawata tin dolor y tambe a haya algun rasca na curpa.