Home » Parlamentario Shailiny Tromp-Lee (MEP): Campaña di MEP pa yena formulario di Belasting 2021 ta inicia dia 16 di augustus

Parlamentario Shailiny Tromp-Lee (MEP): Campaña di MEP pa yena formulario di Belasting 2021 ta inicia dia 16 di augustus

by Admin
0 comment 137 views

 

 

E aña aki un biaha mas Partido MEP tin su campaña di yena formulario di Belasting. E campaña lo inicia dia 16 di augustus venidero y lo termina dia 24 di september 2022. Pa keda yuda bo mester yama pa haci un cita. Por cuminsa yama di awor caba na e number 660-2837 di 9’or pa 12’or di mainta y di 1’or pa 5’or di atardi, di dialuna pa diabierna. 

 

E campaña lo ta 3 dia pa siman esta riba diamars, diahuebs y diasabra. Riba diamars y diahuebs nos ta yuda hende parti mainta di 9’or pa 12’or y parti atardi di 6’or pa 9’or. Riba diasabra e orario ta diferente esta di 9’or di mainta pa 1’or di atardi. 

 

Mas cu claro tur cu haya cita mester percura pa trece tur e documentonan necesario manera: loonopgaaf 2021 SVB, loonopgaaf 2021 APFA, loonopgaaf 2021 di Lago Annuity Foundation, carta di interes di prestamo di banconan, carta di interes y gastonan di hypotheek, carta di interes di Credit Card etc. 

 

Si bo mester di yudansa esaki ta bo chens. Haci bon uzo di e campaña aki di MEP y laga nos yuda bo yena bo formulario. MEP tur aña ta yuda hopi hende cual sigur ta indica cu tin un necesidad den pueblo pa keda yuda cu e yenamento di e formulario di belasting. 

 

E servicio aki MEP ta duna gratuitamente na pueblo y sigur ta gradici tur nos boluntarionan cu ta yuda nos haci e campaña aki posibel.

 

Cada ciudadadano tin e deber di paga impuesto, pero yenando y entregando bo formulario di impuesto, ta evita cu bo ta paga di mas.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio