60
Despues di 3 siman na Mexico e team di Impact Taekwondo bou guia di Monica Pimentel ta den pleno training ainda.
Training ta mainta y atardi y nan ta train hunto cu e seleccion di Monterrey. Nan ta train y bringa den tur training pa nan haña hopi mas experencia den bringa. Siman pasa Anabella Fernandez, Kianna Krosendijk y Deevah Loefstop a participa den un campeonato na Mexico. Tur e atletanan a experencia un otro nivel di bringamento cu e Mexicano nan.
E siman aki e atletanan por a train hunto cu e seleccion di Argentina cu tambe ta na Mexico pa training preparando pa nan proximo evento.
Monica Pimentel ta hopi contento di por a realisa e biahe aki hunto cu su team di Impact Taekwondo. E ta preparando e damasnan pa Campeonatonan Internacional di Cadet y Junior cu tin e aña aki y pa aña 2023.