Home » Segun cifranan di Banco Central, den 4 aña di gobernacion di MEP e gastonan di personal a baha cu 35.3 miyon florin!

Segun cifranan di Banco Central, den 4 aña di gobernacion di MEP e gastonan di personal a baha cu 35.3 miyon florin!

by Admin
0 comment 121 views

 

 

No ta salta un dia cu e politiconan di AVP ta agita contra MEP y Gabinete Wever Croes alegando cu e gastonan di personal di gobierno a subi drasticamente den e ultimo añanan y cu p’esey nos pais ta den un situacion financiero hopi preocupante. Sinembargo nada di e acusacion aki ta cuadra cu realidad. Esaki ta bin padilanti tambe den e cifranan oficial di Banco Central den nan Annual Statistical Digest 2021 y cual publicacion a ser emiti recientemente. 

 

Desaroyo di payroll di gobierno, 2009-2021

Den e tabel adhunto nos por mira e desaroyo di e salarionan di e sector publico for di 2009 te cu 2021. Nos por mira claramente cu na 2009 bao di Gabinete Nelson Oduber e salarionan di gobierno tabata 425.4 miyon florin y cu bao di Gabinete Mike Eman esaki a ser aumenta na 2017 te na 476.1 miyon florin. Pues un aumento drastico di 50.7 miyon florin den 8 aña di gobernacion di AVP. Alavez nos por destila for di tabel cu na 2021 bao di Gabinete Wever Croes, e salarionan a yega na 440.8 miyon florin. Pues compara cu 2017 un reduccion di 35.3 miyon florin den 4 aña di gobernacion di MEP. Y segun presupuesto 2022 e suma aki lo sigui baha!

Awo e pregunta ta, di unda e opositornan ta bin cu e ponencia cu e gobiernonan di MEP a haci y deshaci cu e gastonan di personal di gobierno?

 

Mike Eman so tabatin 147 coordinador

Hecho ta cu e aumento drastico di e gastonan di personal bao di gobernacion di AVP tabata debi entre otro na e cantidad di coordinadornan di tur e 9 ministerionan di Gabinete Mike Eman cu tabata cana boks den otro den Bestuurskantoor y e sumanan miyonario cu tabata ser paga na salario na e coordinadornan aki. Pa e batayon di coordinadornan aki un suma di mas cu 32 miyon florin tabata ser paga tur aña.

 

Locual ta resalta entre gastonan di personal di tur e ministernan aki ta esun di ex Minister President Mike Eman. Riba e tabel adhunto por mira con Mike Eman tabatin 147 coordinador ta traha pe y di cual mayoria tabata sinta na cas ta cobra y e suma total cu nan tabata chupa for di caha di gobierno tabata 11.3 miyon florin pa aña, pues 1/3 parti di e gastonan total di tur e otro ministernan hunto!

Contrario na e abuso sin limite aki, nos Minister President Evelyn Wever Croes tin solamente 21 persona ta traha na su despacho (NO sinta na cas ta cobra!) y cu un suma total na salario di 2.3 miyon florin pa aña. Pues compara cu Mike Eman, un reduccion di 84% pa loke ta e cantidad di personal y 79% pa loke ta e suma na salario.

 

Cu esaki tambe partido MEP ta desbarata tur e acusacionnan falso di nos opositornan y ta spera cu porfin nan cuminsa realiza con ridiculo nan a keda para den bista di pueblo ya cu nunca nan ta trece pruebanan concreto padilanti pa defende nan ponencianan sin base. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio