Home Police Relaciona cu caso grandi di droga:Cinco persona deteni durante varios entrada hudicial

Relaciona cu caso grandi di droga:Cinco persona deteni durante varios entrada hudicial

SHARE

Montaña/Bubali/Paradera

Diadomingo den careda di 6 ‘or autoridad compaña pa Fiscal y Huez Comisario a cuminsa un efectua entradanan hudicial, e prome tawata na Montaña unda a usa team di aresto pa detene 4 persona.

Aparentemente e 4 persona nan aki lo ta wordo sospecha den un caso di droga grandi.

Despues di un rato autoridad a efectua un otro entrada hudicial na un cas na Bubali unda un conoci di Husticia ta biba. Akinan tambe a haci uso di team di aresto.

Despues cu team di aresto a transporta e conocido Martina for di Bubali un otro team a yega Paradera.
Mester remarca cu e cas cu a drenta na Paradera tampoco ta desconoci pa Husticia.

Eynan un di e sospechosonan deteni na Montaña ta biba, pues despues cu tur esnan cu tawata wordo busca a wordo deteni a drenta e cas na Paradera pa tene un huiszoeking.

No ta conoci kiko tur por a wordo confisca, pero locual nos por a capta tawata cu na Paradera a confisca dos auto.

Ta trata di un Ford Fusion y un Hyunsai i10.

No ta descarta cu lo bay tin mas detencion.
Tres di esnan deteni diadomigo atardi ta bon conoci di Husticia.