Home Local Aruba Bank ta reconoce su empleado superior pa luna di juni

Aruba Bank ta reconoce su empleado superior pa luna di juni

SHARE

ORANJESTAD, Aruba –01 di augustus 2022 – Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina un empleado ehemplar tur luna.

E empleado cu ta escohi ta esun cu durante di e luna a haci su maximo esfuerzo pa brinda momentonan superior na tur esnan cu bishita Aruba Bank of haci uzo di un manera of otro di un servicio di banco.

Tack Chan a ser seleciona durante di luna di juni pa brinda servicio superior na clientenan. Su profesionalismo y dedicacion a haci cu ela wordo nomina y reconoci como un empleado superior.

Den su tempo liber, Tack ta practica e deporte di landamento. E ta haci esaki pa keda den condicion y ta participa den “open water “y competencia di distancia largo y cortico.

Aruba Bank ta felicita y gradici tur e miembronan di e famia di Aruba Bank cu a wordo nomina pa yuda brinda tur cliente “Un Experiencia Superior”. Pabien Tack!