Home Local “E di dos siman di IBiSA Kamp-Sciencia y Tecnologia tabata hopi interesante”

“E di dos siman di IBiSA Kamp-Sciencia y Tecnologia tabata hopi interesante”

SHARE

 

 

Dialuna mainta a inicia e di dos siman di IBiSA Kamp, tanto den bario di Savaneta y tambe na Noord.

Tur dos localidad tabata full, pa muchanan di 6 pa 12 aña.

Den bario di Noord e muchanan tabata na Frans Figaroa y aki durante dianan di siman a haci actividadnan fisico y deportivo, tambe a haya diferente charla y demostracion di Sciencia y Tecnologia.

Di “Space & Nature” tabata presente Jeremillo Maduro y tambe Kathy Maduro kende a duna charla tocante sonido, vibracion y tambe tur locual cu ta trata di sciencia y astronomia, a haci demostracion cu e muchanan di diferente manera y asina nan a siña di esaki.

Tambe “Cuerpo di Bombero”  a duna demostracion y kico tur ta haci den e trabao aki.

Di parti di IBiSA mes Sra. Patty Portier a duna demostracion di energia statico na e muchanan, cu blaas, glitter, koffie y salo, tambe a traha “slime” cu e muchanan.

“Elevate” a duna demostracion di con pa schakel coriente, instala switch cu bombio, tambe a duna charla con ta haci diseño den forma di 3D y tambe con ta haci print di 3D.

Sigur muchanan a siña hopi mas cos durante e di dos siman di IBiSA Kamp cu ta yega su final awe diabierna y asina ta prepara pa di tres siman cu ta bay ta na IBiSA San Nicolaas y tambe na Centro Hubenil Washington.

Pa e siguiente siman ta bay tin programa di arte, baile, musica, deporte y actividad fisico.

Keda pendiente pa mas informacion di IBiSA tanto den prensa local y tambe riba medionan social.